Bekim Jashari dhe Ramiz Lladrovci, urojnë Ali Ahmetin për Ligjin e gjuhës shqipe

Kryetari i Skënderajt, Bekim Jashari dhe Kryetari i Drenasit, Ramiz Lladrovci, me rastin e aprovimit të sotëm të Ligjit për gjuhën shqipe, në Kuvendin e Republikës së Maqedonisë, kanë përgëzuar liderin e shqiptarëve të Maqedonisë, Z. Ali Ahmeti, duke theksuar se “ka ngadhënjyer e drejta dhe angazhimi i pareshtur nacional Juaji për liri, barazi dhe unitet”. Z. Jashari dhe Z. Lladrovci, kanë theksuar në rrjetin social se “gjuha jonë e bukur, nga sot, duke marrë miratimin e Kuvendit të Republikës së Maqedonisë, rikonfirmon fitoren e forcave përparimtare dhe është garanci e pjekurisë politike për këtë të arritur të madhe demokratike”. 

Ja postimi i plotë në rrjetin social: “Të dashur vëllezër e motra në Maqedoni,I dashur vëlla Ali,Sot, me aprovimin e Ligjit për gjuhën shqipe, u shënua një përparim i madh për të gjithë, duke ngadhënjyer e drejta dhe angazhimi i pareshtur nacional Juaji për liri, barazi dhe unitet. Gjuha jonë e bukur, nga sot, duke marrë miratimin e Kuvendit të Republikës së Maqedonisë, rikonfirmon fitoren e forcave përparimtare dhe është garanci e pjekurisë politike për këtë të arritur të madhe demokratike. Urojmë që ky sukses i fillimvitit të jetë pjesë e mbarësisë dhe sukseseve tjera për të gjithë, në rrugën tonë të përbashkët evropiane dhe vlerave të saj,Përgëzime vëllazërore nga Skënderaji dhe Drenasi nga Bekim Jashari dhe Ramiz Lladrovci”.


11.Jan.2018