Ministri i Mjedisit Jetësor dhe Planifikimit Hapësinor Naser Nuredini, realizoi takim me drejtorin rajonal të Agjencisë Franceze të Zhvillimit (AFD) Dominik Otberg, ku morën pjesë gjithashtu edhe ambasadori francez Ciril Bomgartner dhe drejtori i Shërbimit Ekonomik Rajonal të Ambasadës me qendër në Sofje Florenc Dobel.Drejtori rajonal Otberg, vuri në dukje se Agjencia ka një mandat nga Qeveria Franceze nga 2018 për të qenë e pranishme në disa vende të rajonit, të cilat kanë aspirata për anëtarësim në BE. Deri më tani, janë të pranishëm në tre vende të Ballkanit Perëndimor, dhe me nënshkrimin e Marrëveshjes për zbatimin e aktiviteteve të Agjencisë Franceze të Zhvillimit në Maqedoninë e Veriut,  priten aktivitete specifike në vend që të fillojnë vitin e ardhshëm. Otberg-u, i prezantoi  fushat e interesit të Agjencisë në rajonin e Ballkanit Perëndimor dhe tregoi se ata mbështesin projekte në fusha të ndryshme, por mbi të gjitha ato që kanë një përfitim të drejtpërdrejtë dhe pozitiv bazuar në Marrëveshjen e Klimës së Parisit.Sipas Otberg-ut, zona më prioritare për Maqedoninë e Veriut në mjedis do të ishin projektet që kanë pika kontakti me Marrëveshjen e Klimës së Parisit, në lidhje me ujërat, energjinë, zhvillimin urban, transportin, mbrojtjen e burimeve natyrore, efikasitetin e energjetik dhe të ngjashme. Mekanizmi mbështetës përfshin ndihmën teknike, sigurimin e huave, granteve, huatë e drejtpërdrejta për komunat, të destinuara kryesisht për të identifikuar dhe zhvilluar projekte të rëndësishme për zhvillimin e qëndrueshëm ekonomik.Në këtë kontekst, ministri Nurdini, informoi për projektet dhe aktivitetet aktuale të Ministrisë së Mjedisit Jetësor dhe Planifikimit Hapësinor. Në veçanti theksoi se për të përmbushur qëllimet e Marrëveshjes së Klimës në Paris, Ligjit dhe një Strategjisë Afatgjatë të Klimës janë duke u hartuar dhe se ato pritet të miratohen deri në fund të vitit. Por sigurisht që do të kemi nevojë për mbështetje dhe ndihmë në procesin e zbatimit të tyre dhe në arritjen e bashkëpunimit ndër-sektorial, kryesisht në sektorët e transportit dhe ekonomisë. Përveç projekteve në lidhje me ndryshimеt klimatike dhe kontributet ambicioze kombëtare në Marrëveshjen e Parisit Nuredini, e theksoi mundësinë e bashkëpunimit në fushën e mbrojtjes së natyrës, e cila gjithashtu u njoh si një zonë me interes të përbashkët. U theksuan mundësitë e bashkëpunimit në fushën e themelimit dhe Parkut Kombëtar Mali Sharr pas miratimit të Ligjit për shpalljen e tij, si dhe projekteve të tjera për mbrojtjen e biodiversitetit dhe vlerave natyrore.Gjithashtu u parashtruan edhe pyetje në lidhje me bashkëpunimin e mundshëm në fushën e krijimit të infrastrukturës bazë në menaxhimin e mbeturinave.
