Sot jemi tubuar këtu, jo vetëm si përfaqësues të shteteve tona, por edhe si rojtarë të drejtësisë, paqes dhe vlerave që na ndërlidhin si bashkësi globale. Tema: “Pasojat e luftës agresive ruse kundër Ukrainës dhe roli i parlamenteve nacionale në ripërtëritjen e Ukrainës” ka peshë e cila shtrihet jashtë brengave tona të drejtpërdrejta. Ajo flet për përkushtimin tonë ndaj respektimit të parimeve të të drejtës ndërkombëtare, të drejtave të njeriut dhe shenjtërisë së kombeve.
Pasojat e agresionit rus kundër Ukrainës bën jehonë nëpër kontinentet, duke lënë pas veti gjurmë të shkatërrimit që e tejkalon infrastrukturën fizike. Numri i jetëve njerëzore, zhvendosja e milionëve dhe asgjësimi i trashëgimisë kulturore shërbejnë si përkujtues i ashpër i nevojës emergjente për aksion kolektiv. Derisa i adresojmë pasojat e kësaj lufte, doemos të njohim edhe rolin kritik që e luajnë parlamentet nacionale në formësimin e narrativit të ardhshëm në Ukrainë.
Të nderuar të pranishëm,
Vendet tona tani më ndërmorën hapa për lëvdatë në sigurimin e ndihmës dhe strehimit për të goditurit nga konflikti. Le të mbindërtojmë këtë frymë të solidaritetit dhe bashkëpunimit, duke i orientuar përpjekjet në një mbështetje të prekshme për rikuperimin e Ukrainës.
Në këtë mjedis demokratik, posedojmë privilegj dhe fuqi unike ti transformojmë fjalët në vepra dhe qëllimet në politikë. Si parlamentarë, ne na është besuar detyra të formësojmë rrjedhën e fateve të popujve tanë. Sot, e zgjerojmë këtë përgjegjësi të përfshijë një vizion më të gjerë – vizion për solidaritet që nuk njeh kufij, përkushtim për të ndihmuar një komb në halle.
Rezistenca e Ukrainës përkundër vështirësive është një provë për frymën e pathyeshme të popullit ukrainas dhe e vlerave që i posedojnë. Të përgjigjemi me vendosmëri të njëjtë, duke ofruar, jo vetëm ngushëllim, por edhe mbështetje të palëkundshme. Plani aksional i Këshillit të Evropës për Ukrainën, si një udhërrëfyes gjithëpërfshirës i rezistencës, i rikuperimit dhe rikonstruktimit, na siguron kornizë për ti orientuar përpjekjet tona në mënyrë efektive. Por, le mos harrojmë se suksesi i këtyre përpjekjeve varet nga përkushtimi dhe aftësia jonë për të shndërruar dialogun në aksion vendimtar.
Zonja dhe zotërinj,
Përgjegjësia mbetet shumë e rëndësishme në zbatimin e drejtësisë. Vendosja e Regjistrit të dëmeve të shkaktuara nga agresioni i Federatës Ruse kundër Ukrainës shënon momentin vendimtar në kërkimin e përgjegjësisë. Si parlamente nacionale, ne doemos ta mbrojmë kauzën e drejtësisë, duke siguruar se ky regjistër nuk është vetëm simbol, por mekanizëm i cili i nxit kombet ti pranojnë përgjegjësitë e veta dhe të japin mbështetjen, duke i pranuar gabimet e bëra dhe duke kontribuar në procesin e shërimit.
Në këtë peizazh të ndërlikuar global, ku kanosjet ndaj paqes i tejkalojnë kufijtë tradicionalë, nuk mund të nënçmohet roli ynë i mirëmbajtjes së sigurisë demokratike dhe multilateralizimit të bazuar mbi rregulla. Hija e luftës hibride dhe fantazma e jostabilitetit e theksojnë rëndësinë e vigjilencës sonë kolektive. Me inkurajimin e partneriteteve, ndarjen e njohurive dhe përgjigjes së përbashkët ndaj sfidave të reja, mund ti mbrojmë parimet mbi të cilat janë ndërtuar shoqëritë tona.
Dhe, derisa mendojmë për pasojat e agresionit rus mbi Ukrainën dhe mendojmë për rolin e parlamenteve nacionale në rikonstruktimin e saj, le të rikujtojmë se aksionet tona të sotme i japin formës botës së ardhmërisë. Përmes politikave, vendimeve dhe përcaktimit tonë vendimtar, mund të bëhemi arkitektët e ndryshimeve pozitive. Le të shfrytëzojmë këtë mundësi për të treguar përkushtimin tonë të palëkundshëm ndaj drejtësisë, ndaj solidaritetit dhe forcës së përhershme të vlerave demokratike.
Ju faleminderit për vëmendjen!
