Konferenca ndërkombëtare dyditore “Gratë në Politikën e Jashtme”, e organizuar nga Ministria e Punëve të Jashtme, nën patronazhin e Qeverisë, nikoqire e së cilës ishte zëvendësministrja e Punëve të Jashtme, Fatmire Isaki, përfundoi sot me konkluzione të rëndësishme që dolën nga debati produktiv dhe i pasur.
“Konferenca e parë, vitin e kaluar, ishte një sfidë e madhe dhe të cilën e pashë edhe si përgjegjësi por njëkohësisht edhe si një mundësi të madhe. E prezantova kapacitetin e vendit tonë të vogël për të dëshmuar se jemi të vetëdijshëm për rolin e gruas në politikën e jashtme. Kuptohet se kemi ende shumë punë për të përmirësuar përfaqësimin, por jam e gëzuar që mund të them se gjërat po lëvizin në drejtim pozitiv në raport me autoritetet ndaj promovimit të rolit të gruas në politikën e jashtme” theksoi Isaki.
Konferenca përbante diskutime produktive ndërmjet figurave të shumta të shquara në fushën e politikës së jashtme nga vendi, rajoni dhe më gjerë; u shkëmbyen mendime rreth për përfaqësimin e balancuar gjinor, si dhe u shkëmbyen edhe përvoja personale që përfundimisht rezultoi me qëllime, porosi dhe përfundime të rëndësishme.
Në panelin e parë “Gratë në Diplomacinë Multilaterale”, si mysafire speciale kishte fjalim zonja e pare znj. Elizabeta Gjorgievska, e cila potencoi se gratë janë të një rëdësisë thelbësore për identifikimin e zgjidhjeve të qëndrueshme dhe inkluzive të cilat mund të sjellin maqe të qëndrueshme.
Ministrja e Punës dhe Politkës Sociale, znj. Jovana Trençevska theksoi se barazia gjinore në Maqedoninë e Veriut paraqet obligim ligjor “duke pasur parasysh se e njëjta është pjesë e programit të Qeverisë për periudhën 2020-2024, si rezultat i zotimeve për barazi gjinore të Agjendës për Zhvillim të Qëndrueshëm deri në 2030
Gjithashtu, panelistët vendas dhe ndërkombëtarë diskutuan për krizat e sigurisë, pandeminë, krizën ekonomike, sigurinë kibernetike, të drejtat e njeriut, si dhe për shumë sfida të tjera që treguan se është e domosdoshme përfshirja aktive të grave në multilateralizëm.
Fjalën hyrëse të panelit të dytë “Roli i gruas në kohë krize” kishte Ministrja e Mbrojtjes, znj. Slavjanka Petrovska, e cila nënvizoi se pjesëmarrja e grave në proceset e paqes është e një rëndësie thelbësore, për të gjetur një zgjidhje afatgjatë dhe të qëndrueshme të paqes.
“Gratë dinë më së miri të luftojnë për të mirën e familjes dhe të vendit të tyre, e ajo është paqja, siguria, mirëqenia dhe përparimi”, theksuan panelistët, në mesin e të cilëve ishte edhe Ambasadorja e Ukrainës në Maqedoninë e Veriut, zonja Larisa Mir, e cila përmes shembullit atkual ukrainas vuri në dukje luftën e grave për liri dhe paqe, të cilat krah për krah me burrat gjinden në vijën e parë të frontit në mbrojtjen e familjeve, qyteteve dhe vendit të tyre.
Paneli i tretë, fokusi i të cilit ishte roli i sektorit joqeveritar, filloi me fjalën hyrëse të zëvendëskryetares së Qeverisë për politika të qeverisjes së mirë, znj. Slavica Grkovska, e cila nënvizoi se përmes përfshirjes më të madhe dhe kontributit aktiv të sektori joqeveritar inkurajohet roli i tyre korrigjues në krijimin e politikave dhe vendimeve të balancuara gjinore.
Në panelin e katërt dhe të fundit të konferencës dyditore, me titull “Perspektiva ambasadoriale për barazinë gjinore”, shumica e ambasadorë në Maqedoninë e Veriut ndanë mendimet dhe përvojat e tyre personale në lidhje me kontributin thelbësor të grave në fushën e politikës së jashtme, proceseve negociuese dhe misionet e paqes, ndërsa i paraqitën edhe mekanizmat si një praktikë e mirë nga vendet e tyre për të avancuar pozitën e grave-diplomate.
Në fjalën e saj përmbyllëse, Zëvendësministrja e Punëve të Jashtme, znj. Fatmire Isaki, falënderoi të pranishmit për kontributin e dhënë në këtë ngjarje të rëndësishme, duke shprehur bindjen se konferenca tashmë po shndërrohet në një forum tradicional për diskutimin e perspektivës gjinore në politikën e jashtme.
