Në suaza të projektit të inicuar mbarëkombëtar nga ana e Drejtorisë së Përgjithshme të Arkivave të Shqipërisë për qasje digjitale në materialin studimor të këtij institucioni në çdo qytet të Shqipërisë dhe çdo qytet shqiptar jashtë saj, si dhe me marrëveshje paraprake mes Komunës së Çairit dhe Drejtorisë së Përgjithshme të Arkivave të Shqipërisë në leximoren e Komunës së Çairit kryetari i Komunës së Çairit Visar Ganiu dhe drejtori gjeneral i Drejtorisë së përgjithshme të Arkivave të Republikës së Shqipërisë prezantuan databazën e instaluar digjitale të arkivave të Republikës së Shqipërisë që zgjeron perspektivat aktuale të studimit për të gjithë studentët dhe qytetarët që vizitojnë këtë leximore.Këndi i ri arkivor në suaza të leximores komunale është edhe një frymëzim më tepër për të gjithë nxënësit dhe studentët e Shkupit që të vizitojnë më tëpër këtë hapësirë të bukur dhe komode duke pasur në dispozicion thesarin studimor të arkivit të Republikës së Shqipërisë. Ky projekt thyen barrierat shtetërore, thjeshtëson procedurat e hulumtimit shkencor dhe të jep në pëllëmbë të dorës të gjitha informacionet e nevojshme mbi historinë e përbashkët të shqiptarëve kudo që ata jetojnë.
