Faton Ahmeti ka lindur më 17 janar 1987 në Tetovë, Republika e Maqedonisë së Veriut. Studimet deridiplomike i ka përfunduar në Farmaci, ndërsa ka ndjekur dy cikle studimesh pasuniversitare, përkatësisht në Shkencat Farmaceutike dhe në Administrim Biznesi – Menaxhment. Aktualisht është kandidat për doktoraturë në Shkenca Farmaceutike.

Nga viti 2005 e në vazhdim është anëtar i Bashkimi Demokratik për Integrim (BDI). Aktualisht mban pozitën e Nënkryetarit të BDI-së, si dhe Shef i Kabinetit të Kryetarit të BDI-së.

Gjatë periudhës 2014–2022 ka ushtruar funksionin e Sekretarit të Degës së Tetovës, ndërsa nga viti 2022 deri në vitin 2025 ka qenë Kryetar i Degës së Tetovës dhe njëkohësisht Sekretar i Përgjithshëm i BDI-së. Në disa cikle zgjedhore ka qenë anëtar, si dhe udhëheqës i Shtabit Qendror Zgjedhor dhe i Shtabit Komunal Zgjedhor.

Në periudhën 2009–2017 ka qenë i angazhuar në projekte të ndryshme në fushën e shëndetësisë, duke ushtruar pozicione menaxheriale dhe analitike, përfshirë: Menaxher Projekti, Menaxher i Cilësisë, Menaxher i Mbështetjes për Klientë si dhe Analist i Proceseve të Punës.

Gjatë viteve 2017–2019 ka shërbyer si Sekretar Shtetëror pranë Qeverisë së Republikës së Maqedonisë së Veriut, në Sekretariatin për Implementimin e Marrëveshjes së Ohrit. Në periudhën 2020–2023 ka qenë i angazhuar si Drejtor Gjeneral i Fondit për Sigurim Shëndetësor të Republikës së Maqedonisë së Veriut.

Me ftesë të Departamentit Amerikan të Shtetit, në shkurt të vitit 2023 ka qëndruar në Shtetet e Bashkuara të Amerikës (Washington D.C., Maryland, Washington, North Carolina dhe Florida), si pjesëmarrës në programin International Visitor Leadership Program (IVLP).

Flet rrjedhshëm shqipen (gjuhë amtare), maqedonishten dhe anglishten. Ka njohuri mesatare të gjuhës gjermane, si dhe shërbehet me gjuhët turke dhe serbo-kroate.

Zotëron aftësi të avancuara në shfrytëzimin e teknologjive informative, përfshirë paketën Microsoft (Word, Excel, PowerPoint, Access, Outlook, Visio dhe Project), si dhe njohuri të shkëlqyera në përdorimin e aplikacioneve për kërkime skincare dhe analiza statistikore, si IBM SPSS, MegaStat dhe NVivo.

Gjendja civile: i martuar, baba i një fëmije.

Kontakt:
📧 E-mail: faton.ahmeti@bdi.mk
🌐 Facebook: https://www.facebook.com/share/15b4sRbeGi/?mibextid=wwXIfr
🔗 LinkedIn: http://linkedin.com/in/faton-ahmeti-b35b9620