Ministri i Mjedisit Jetësor dhe Planifikimit Hapësinor realizoi takim pune me kryetarin e Komunës së Çuçer Sandevës Sashko Komnenoviq. Ky është takimi i parë me kryetarin e sapoemëruar, i cili e njoftoi ministrin Nuredini se komuna ka nevojë për realizimin e projekteve themelore të infrastrukturës siç janë sigurimi i rrjetit të ujësjellësit, rrjeti i kanalizimeve dhe stacioni i pastrimit të ujërave të zeza. Ministri Nuredini shprehu gatishmërinë për të mbështetur komunën në kërkesën dhe sigurimin e mjeteve të nevojshme për realizimin e këtyre projekteve infrastrukturore me rëndësi parësore për një jetë më të mirë të banorëve të komunës dhe për ruajtjen e mjedisit jetësor.
