Kompania e mirënjohur ATS Group e udhëhequr nga z. Shefqet Demiri sërish dëshmoi gatishmërinë e saj për të kontribuar në rritjen e nivelit të mbrojtjes së qytetarëve në ballafaqimin me virusin Covid 19 duke i dhuruar Komunës së Çairit donacion prej 5000 skafanderë me vlerë prej 30 000 eurove.Me këtë rast, kreu i Çairit Visar Ganiu ftoi drejtorin e Shtëpisë së Shëndetit Shkup z. Besim Koka, drejtorin e Spitalit Gjinekologjik “Nëna Terezë” në Çair z. Bashkim Ismaili dhe drejtorin e Institutit të Mjekësisë së Punës z. Alajdin Memedi për t’ua dorëzuar donacionin me qëllimin e sinqertë përkrahjen e personelit mjekësor që po udhëheq një betejë heroike për të shpëtuar jetët e bashkëqytetarëve tanë.Ai shprehu faleminderimin dhe mirënjohjen në emër të qytetarëve të Komunës së Çairit ndaj udhëheqësisë së kompanisë ATS Group për bashkëpunimin dhe kontributin e vazhdueshëm që ata japin në shërbim të mirëqenies shëndetësore të qytetarëve.
