Sekretari i Përgjithshëm

Arbër Ademi

Arbër Ademi ka lindur më 25.09.1985 në Kumanovë.

Në vitin 2004 regjistrohet si student në Universitetin Shtetëror të Tetovës, në Fakultetin Juridik, dhe studimet i përfundon me sukses të lartë në vitin 2008.

Në po të njëjtin vit fillon studimet pasdiplomike në të njëjtin universitet, në drejtimin juridiko-civil, dhe merr titullin magjistër në vitin 2010, ndërsa në vitin 2015 përfundon studimet e doktoraturës pranë Universitetit të Tiranës.

Gjatë angazhimit të tij në veprimtarinë politike në radhët e Bashkimit Demokratik për Integrim, ka ushtruar funksione të ndryshme shtetërore dhe partiake, si: Zëvendëskryeministër për Çështje Evropiane, Zëvendësministër i Arsimit dhe Shkencës, si dhe Ministër i Arsimit dhe Shkencës. Gjatë mandatit si deputet në Kuvendin e Republikës së Maqedonisë së Veriut, ka qenë koordinator i grupit parlamentar të BDI-së, Kryetar i Komisionit për Çështje Evropiane, si dhe anëtar i disa komisioneve të tjera të rëndësishme parlamentare.

Po ashtu, ka qenë i përfshirë në grupe të ndryshme punuese në fushën legjislative dhe është autor i artikujve të shumtë shkencorë si dhe librave universitarë nga fusha juridike.

Ushtron detyrën e profesorit inordinar pranë Universitetit të Tetovës.

Në kuadër të angazhimit partiak, mandatin paraprak ka qenë nënkryetar dhe zëvendëszëdhënës i Bashkimit Demokratik për Integrim, ndërsa nga data 20 dhjetor 2025 ushtron funksionin e Sekretarit të Përgjithshëm të Bashkimit Demokratik për Integrim.

Flet gjuhën shqipe, maqedonase dhe angleze.

Arbër Ademi është i martuar dhe baba i dy fëmijëve.

Kontakt:
E-mail: arber.ademi@bdi.mk