Muharem Xhezairi është i lindur në vitin 1970 në fshatin Reçicë e Madhe, Tetovë. Arsimin fillor e përfundoi në vendlindje, ndërsa arsimin e mesëm në Gjimnazin “Kiril Pejçinoviq” në Tetovë. Ka studiuar Pedagogji në Fakultetin Filozofik të Universitetit të Prishtinës dhe mban titullin Profesor i Pedagogjisë. Më tej përfundoi studimet master në Programin e Psikologjisë, Fakulteti Filozofik, Universiteti i Tetovës, duke marrë titullin Magjistër i Psikologjisë me drejtim arsimor.
Që nga viti 1997 punon si pedagog në Shkollën Fillore Komunale “Përparimi”, ku vazhdon të kontribuojë në edukimin e fëmijëve dhe zhvillimin e praktikave mësimore. Prej vitit 2018 është i angazhuar gjithashtu si asistent në Programin Studimor të Psikologjisë në Universitetin e Tetovës. Ka shërbyer si mësues i komunitetit me organizatën “Mjekët pa Kufij” dhe ka qenë anëtar aktiv i bordit rajonal për modernizimin e arsimit në Maqedoninë e Veriut. Po ashtu, ka qenë kryetar i Shoqatës së Pedagogëve Shqiptarë në Maqedoninë e Veriut dhe anëtar i Komisionit për njohje, ekuivalencë dhe nostrifikim të dokumentacionit për arsimin fillor dhe të mesëm. Autor i disa artikujve shkencorë dhe pjesëmarrës i rregullt në seminare, punëtori dhe debate profesionale në fushën e arsimit.
e-mail: muharemxhezairi@gmail.com
1 Comment