Ademi-Trokaz: Mbështetja franceze për aspiratat europiane të vendit dhe Ballkanit Perëndimor

Sot, Kryetari i Komisionit për Çështje Evropiane,z Arbër Ademi ka zhvilluar takim me
Rene Trokaz, i dërguar special për Ballkanin Perëndimor dhe Matje Abgral kompetent për
Maqedoninë e Veriut dhe Malin e Zi dhe për çështjet e sigurisë së BP në Ministrinë
Franceze për Evropën dhe Punët e Jashtme, i shoqëruar nga ambasadori francez në
vendin tonë Sirill Bomgartner.
Në takim, Ademi informoi për zhvillimet aktuale në vend dhe për mundësitë për ndryshime
kushtetuese, për përfshirjen e Bashkësisë bullgare në Kushtetutën tonë, me qëllim
vazhdimin e procesit të negociatave me BE-në. Duke iu referuar progresit të vendit tonë

drejt BE-së, theksoi se pret që ai të ketë trend rritës, duke pasur parasysh proceset e fundit
gjeopolitike në rajon, të cilat janë në drejtim të vazhdimit të procesit të zgjerimit me vendet e
Ballkanit Perëndimor dhe në këtë kontekst, theksoi se duhet mos e humbisni këtë mundësi
unike që kemi, prandaj duhet të japim votën tonë për Evropën, duke shprehur mirënjohjen
për mbështetjen parimore dhe përkushtimin e Francës për eurointegrimin tonë.
Bashkëbiseduesit u pajtuan se përshpejtimi i proceseve eurointegruese është në interes të
stabilitetit politik, të sigurisë dhe stabilitetit ekonomik në të gjithë rajonin dhe se
paraaderimi dhe së fundi anëtarësimi në BE do të kontribuojnë në zhvillim më të shpejtë
ekonomik dhe social të rajonit, si dhe demokraci më funksionale dhe sundimi i të drejtës
më funksional.

Related posts

Reagim plotësues nga Bashkimi Demokratik për Integrim lidhur me incidentet e fundit

Bashkimi Demokratik për Integrim dënon ashpër edhe aktin e djegies së flamurit shqiptar, që përbën një sulm të drejtpërdrejtë ndaj simboleve dhe…

Ali Ahmeti uron 28 nëntorin: Përjetësi Shqipërisë dhe shqiptarëve!

Kryetari i Bashkimit Demokratik për Integrim, Ali Ahmeti, ka uruar kombin shqiptar me rastin e 28 nëntorit duke thënë që liria nuk…

Ali Ahmeti takon shoqatat e shqiptarëve në Kroaci: Mirënjohës Amerikës për jetë të jetëve

Kryetari i Bashkimit Demokratik për Integrim, Ali Ahmeti, gjatë qëndrimit të tij në Kroaci, ka takuar të gjitha shoqatat e shqiptarëve në…