Tetovë, 26.02.2026
Kryetari Ali Ahmeti zhvilloi një takim miqësor me z. Johannes Hahn, ish Komisionar Evropian për Buxhet dhe Administratë, si dhe ish Komisioner për Zgjerim dhe Politikë Fqinjësore.
Gjatë bisedës së hapur dhe konstruktive, u diskutua mbi rëndësinë strategjike të integrimit të vendit në Bashkimin Evropian, si proces kyç për stabilitetin afatgjatë, konsolidimin demokratik dhe forcimin e shtetit të së drejtës. Kryetari Ahmeti theksoi se rruga evropiane mbetet prioritet i pakontestueshëm dhe interes kombëtar, që kërkon përgjegjësi politike, vendosmëri dhe bashkëpunim ndërinstitucional.
Në këtë kontekst, u nënvizua rëndësia e zbatimit të plotë dhe konsekuent të Marrëveshja e Ohrit si themel i bashkëjetesës, barazisë dhe funksionimit demokratik të shtetit multietnik, në përputhje me standardet dhe vlerat evropiane. Ai theksoi se respektimi i frymës dhe i shkronjës së kësaj marrëveshjeje mbetet garanci për stabilitetin e brendshëm dhe përparimin e mëtejshëm drejt BE-së.
Gjithashtu, u vlerësua mbështetja e vazhdueshme e partnerëve evropianë për proceset reformuese në vend dhe u ritheksua nevoja për dialog politik konstruktiv, i cili forcon besimin mes komuniteteve dhe rrit besueshmërinë ndërkombëtare të shtetit.
https://www.facebook.com/share/p/14ZeYDDKFWt/?mibextid=wwXIfr
