Kryetari i Komisionit për Çështje Evropiane, deputeti, Arbër Ademi i shoqëruar nga ambasadori i Sllovakisë në Maqedoninë e Veriut, Henrik Markus, sot ka realizuar takim me drejtorin e Asociacionit për Politikë të Jashtme të Sllovakisë, Tomas Strazay.
Ademi gjatë takimit me Strazay ka theksuar se Maqedonia e Veriut është e përkushtuar ndaj agjendës evropiane të vendit për të cilën ka konsensus nacional, politik dhe qytetarë.
Gjithashtu ka bërë të ditur se mbështetja sllovake për vendin është shumë e rëndësishme ku janë dakorduar që bashkëpunimi mes dy vendeve në interes të qytetarëve të vazhdojë edhe në periudhën e ardhshme.
