Bashkimi Demokratik për Integrim ka përmbyllur takimet e saj informative nën moton “Bashkë për në Europë” në Gostivar me takimin që realizoi me Forumin Rinor të Bashkimit Demokratik për Integrim në Gostivar.
Të rinjve të pranishëm iu drejtua Kryetari i Bashkimit Demokratik për Integrim Ali Ahmeti, Kryetari i Kuvendit Talat Xhaferi, Zëvendëskryeministri i parë Artan Grubi, Sekretari i përgjithshëm i BDI-së, Faton Ahmeti, Kryetari i Forumit Rinor të BDI-së Avni Rustemi dhe Kryetari i Degës së BDI-së në Gostivar, Valdet Xhaferi.
Bashkimi Demokratik për Integrim është subjekt politik serioz që garon në skenën politike në Republikën e Maqedonisë së Veriut mbi 20 vjet. Gjithmonë ka qenë fitimtar, gjithmonë ka qenë vendimtar, në çdo proces politik. Unë dhe Ju duhet të jemi të lumtur që jetojmë në epokën e liderit Ali Ahmeti, për të cilin do të shkruaj historia ndër vite. Për të korrë sukses një parti politike padyshim se duhet të ketë një lider i cili ka strategji, synim e qëllime dhe këto cilësi lideri Ali Ahmeti gjithmonë i ka pasur. Më kujtohet si i ri në çdo tubim përmendte lideri NATO dhe Bashkimi Evropian. Faleminderit kryetar, për çdo mundësi që na ke dhënë neve të rinjve që të jemi pjesë e proceseve. Rininë çdo herë do e keni prapa, pas çdo vendimi që do e merrni.
