Bashkimi Demokratik për Integrim përshëndet nënshkrimin përfundimtar të marrëveshjes për ndërtimin e projektit historik Korridori 8 dhe 10 D në mes të Qeverisë dhe përfaqësuesve të konzorciumit ndërkombëtar, Bechtel Enka.
Kjo ëndërr e madhe për qytetarët dhe vendin më në fund po realizohet.
Bashkimi Demokratik për Integrim uron qytetarët për këtë arritje historike, ndërsa realizimi i investimit më të madh kapital në historinë e Republikës së Maqedonisë së Veriut do të kontribuoje jo vetëm në infrastrukturën rrugore dhe modernizimin e saj por edhe në cilësinë e jetës, ekonominë e vendit si dhe lidhjen me rrugë më cilësore me vendet fqinje si dhe me Korridoret ndërkombëtare.
Projekti Korridori 8 do të shtrihet në gjatësi prej 68 Km përmes një autostrade me 6 korsi që do të lidhë Tetovën me Gostivarin, Kërçovën, Strugën e deri në Qafë Thanë, kurse Korridori 10-D do të lidh Prilepin dhe Manastirin dhe si projekt shtrihet në gjatësi prej 40 km dhe realizohet me 6 korsi, derisa periudha e realizimit të projektit është 6 vite nga fillimi i punimeve.
Bashkimi Demokratik për Integrim do të vazhdojë fuqishëm të kontribuojë në realizimin e projekte madhore të cilat janë në të mirë të qytetarëve dhe mbarë vendit.
