Bashkimi Demokratik për Integrim vlerëson lartë rikonfimimin e qëndrimit konzistent të Departamentit Amerikan të Shtetit dhe Shtëpisë së Bardhë në përkrahje të aspiratës sonë të integrimit, të shprehur haptazi gjatë vizitës zyrtare që realizoi delegacioni i lartë qeveritar i vendit tonë në Uashington.
Me ndërmjetësimin dhe kontributin paqedashës të Shteteve të Bashkuara të Amerikës deri më tani, vendi ynë ka shënuar progres të jashtëzakonshëm në të gjitha sfidat me të cilat është përballur dhe ka ndërmarrë vendime historike që rezultuan me paqe të brendshme, paqe me fqinjët, integrim në NATO dhe hapje të negociatave me Bashkimin Europian.
Përkrahja e Shteteve të Bashkuara të Amerikës është kruciale edhe tani në çastet vendimtare kur duhen ndërmarrë vendimet e rradhës për të përshpejtuar hapin në rrugën e eurointegrimit.
Partneriteti strategjik me SHBA-të i bazuar mbi vlerat e paqes, barazisë dhe demokracisë së shëndoshë është garancë e fuqishme suksesi në rrugëtimin tonë europian dhe garancë për stabilitetin rajonal dhe ndërkombëtar.
Bashkimi Demokratik për Integrim shpreh mirënjohje të thellë ndaj rolit konsistent të SHBA-ve për konsolidimin demokratik të vendit.
