Ministri i Ekonomisë, Kreshnik Bekteshi sot ka zhvilluar takim pune me përfaqësues të Institutit Demokratik Nacional (NDI). Në takim morën pjesë drejtori i lartë resident i NDI-së, Robert Scott Hazlett dhe Naser Bislimi, zyrtar i programës.
Gjatë takimi u diskutua për masat dhe aktivitetet e ndërmarra nga Ministria e Ekonomisë për të mbështetur amvisëritë dhe kompanitë për përballimin e krizës energjetike dhe ekonomike dhe përmirësimin e standardit jetësor të qytetarëve.
Na takim u dakordësua që në periudhën e ardhshme me mbështetjen e NDI-së të realizohet një anketë dhe hulumtim në nivel nacional për nevojat dhe pritjet e qytetarëve dhe konsumatorëve për situatën ekonomike në Maqedoninë e Veriut, në radhë të parë për inflacionin, rritjen e çmimeve dhe koston e jetesës. .
Rezultatet e analizës së kryer më pas do të përdoren nga Ministria e Ekonomisë dhe Qeveria për të krijuar një pako të re masash për qytetarët.
Ministri Bekteshi në takim potencoi se Ministria e Ekonomisë do të dëgjojë gjithmonë zërin e qytetarëve dhe sipas rezultateve të analizave dhe opinionit të qytetarëve do të hartohen masat mbështetëse që do të miratohen pas 30 prillit të këtij viti.
