DFIZHT Festim Halili mbajti fjalim sot në konferencën ndërkombëtare “Integriteti Kibernetik në Administratën Publike”.
Ngjarja, e cila u organizua nga IMPETUS dhe mbështetur nga Ambasada e Britanisë së Madhe, bëri të mundur ndarjen e mesazheve dhe rekomandimeve kryesore me të gjitha palët e interesuara në mënyrë që të përballen më lehtë me kërcënimet e sigurisë kibernetike dhe të inkurajojnë ndryshime transformuese.
DFIZHT Festim Halili theksoi se: “Nevojitet një bashkëpunim i përbashkët dhe i ngushtë i Qeverisë, akademisë, industrisë dhe komuniteteve civile për të përforcuar rezistencën kibernetike në nivel kombëtar dhe për të siguruar prosperitetin dhe mbrojtjen e interesave të veprimit online të të gjithëve”. Në këtë drejtim, FIZHT së fundi nënshkroi Memorandumin e Bashkëpunimit me AEK – MKD CIRT, me qëllim të përmirësimit të kapaciteteve mbrojtëse përmes shkëmbimit të ndërsjellë të informacionit për sigurinë kibernetike, trajtimit më efikas të incidenteve në hapësirën kibernetike dhe mbështetjes së investimeve në këtë fushë.
