Grubi: Më 6 shkurt fillojnë dhe do të zgjasin 21 ditë negociatat me Bechtel Enkën për Korridorin 8

Zëvendëskryeministri i parë, Artan Grubi ka njoftuar sot opinionin për mbajtjen e mbledhjes së Komitetit drejtues për Korridorin 8 dhe 10D, në të cilën është propozuar që negociatat me konzorciumin ndërkombëtar Bechtel Enka të fillojnë më 6 shkurt 2023 dhe të zgjasin 21 ditë.

Këtë konkluzion të Komitetit e ka miratuar njëzëri Qeveria. Pas përfundimit të procesit të negociatave që dо t’i realizojë konsulenti juridik i përzgjedhur, IRD Engineering, do të pasojë nënshkrimi i marrëveshjes me Bechtel Enkën dhe në pranverën e hershme pritet që të vendoset gurëthemeli i Korridorit 8, projektit më të madh infrastrukturor në vend me një rëndësi të madhe për zhvillimin ekonomik të mbarë rajonit.

“Pas nënshkrimit të marrëveshjes për konsulencë juridike dhe mbikëqyrje me konzorciumin IRD Engineering, sot mbajtëm seancën e Komitetit drejtues për Korridorin 8 dhe 10D, pas së cilës Qeveria miratoi njëzëri konkluzionin e propozuar që negociatat me konzorciumin Bechtel Enka të fillojnë më 6 shkurt 2023 në Shkup dhe të vijojnë për 21 ditë. Uroj proces të mbarë të negocimit dhe konkretizimit të detajeve të kontratës, pas nënshkrimit të së cilës në pranverën e hershme do të vendosim gurëthemelin dhe do të fillojmë procesin e punës në terren për realizimin e projektit më të madh dhe më të rëndësishëm infrastrukturor për vendin dhe rajonin.” – ka njoftuar Grubi në faqen e tij zyrtare në rrjetin social Facebook.

Related posts

Reagim plotësues nga Bashkimi Demokratik për Integrim lidhur me incidentet e fundit

Bashkimi Demokratik për Integrim dënon ashpër edhe aktin e djegies së flamurit shqiptar, që përbën një sulm të drejtpërdrejtë ndaj simboleve dhe…

Ali Ahmeti uron 28 nëntorin: Përjetësi Shqipërisë dhe shqiptarëve!

Kryetari i Bashkimit Demokratik për Integrim, Ali Ahmeti, ka uruar kombin shqiptar me rastin e 28 nëntorit duke thënë që liria nuk…

Ali Ahmeti takon shoqatat e shqiptarëve në Kroaci: Mirënjohës Amerikës për jetë të jetëve

Kryetari i Bashkimit Demokratik për Integrim, Ali Ahmeti, gjatë qëndrimit të tij në Kroaci, ka takuar të gjitha shoqatat e shqiptarëve në…