Objekti i ri i Teatrit dhe Bibliotekës së Tetovës po kompletohet dita ditës, pasi tashmë ka përfunduar dhe një pjesë e fasadimit të objektit dhe po zhvillohen punimet e fazës së dytë.
Lajmin e ka bërë të ditur zëvendëskryeministri i parë, Artan Grubi në faqen e tij zyrtare në Facebook.
Statusi i plotë:
Po përparon procesi i ndërtimit të objektit të Teatrit dhe Bibliotekës së Tetovës.
Ka përfunduar ndërtimi i një pjesë të fasadës dhe po vazhdojnë me dinamikën e duhur të gjitha punimet e fazës së dytë.
Gjatë këtij mandati arritëm të menjanojmë shumë nga pengesat e mëparshme dhe tashmë kemi siguruar ecuri konsistente të punës për përfundimin cilësor të këtij projekti kapital.
