Zëvendëskryeministri i parë i vendit, Artan Grubi i shoqëruar nga kreu i BDI-së, Ali Ahmeti, ministrat e BDI-së, deputetët e zonës, sekretarët shtetërorë, biznesmen e afarist në hapsirat e kompanisë Agro Reka morrën pjesë në prezantimin e programit IPARD III, program ky i cili përkrah financiarisht veprimtarinë e bujqësisë për periudhën 2022 – 2027.
Sipas Grubit, ruajtja e partneritetit financiar me Bashkimin Europian dhe sigurimi i fondeve ndërkombëtare janë prioritet i vazhdueshëm në punën e Qeverisë.
“Bashkë me kryetarin Ali Ahmeti, kolegët ministra, sekretarë shtetërorë, deputetë të zonës, afaristë dhe qytetarë të komunës së Bogovinës në hapësirat e kompanisë Agro Reka, morëm pjesë sot në prezantimin e programit IPARD III për përkrahje financiare në veprimtarinë e bujqësisë për periudhën 2022 – 2027. Ruajtja e partneritetit financiar me Bashkimin Europian dhe sigurimi i fondeve ndërkombëtare janë prioritet i vazhdueshëm në punën e Qeverisë dhe kruciale për mirëqënien ekonomike dhe zhvillimin cilësor të vendit tonë”, ka shkruar Grubi.
