Grubi: Qeveria do të vazhdojë të mbështesë projektet e zhvillimit në komunën e Sarajit dhe në të gjithë vendin

Zëvendëskryeministri i parë Artan Grubi vizitoi sot Poliklinikën e re të Sarajit, e cila filloi të funksionojë në kuadër të Shtëpisë së Shëndetit – Shkup. Ky është një premtim i mbajtur i Qeverisë, i cili synon të përmirësojë cilësinë dhe aksesin e shërbimeve shëndetësore për banorët e Sarajit dhe zonave përreth.

Poliklinika e re e Sarajit është një objekt bashkëkohor, i pajisur me teknologji të avancuar dhe staf mjekësor të kualifikuar. Ajo ofron shërbime të ndryshme, siç janë laborator, radiologji, stomatologji, pediatri, kardiologji, oftalmologji, etj.

Grubi shprehu kënaqësinë e tij për këtë investim të rëndësishëm për shëndetin e qytetarëve dhe falënderoi stafin mjekësor për punën e tyre të palodhshme. Ai gjithashtu theksoi se Qeveria do të vazhdojë të mbështesë projektet e zhvillimit në komunën e Sarajit dhe të gjithë vendin.

Statusi i plotë:

Një tjetër premtim i mbajtur i Qeverisë, nga sot filloi së funksionuari Poliklinika e re e Sarajit në kuadër të Shtëpisë së Shëndetit – Shkup.

Banorët e Sarajit nuk do të kenë më nevojë të kërkojnë shërbime shëndetësore në Shtëpinë e Shëndetit në Gjorçe Petrov, tashmë kanë objektin e ri bashkëkohor në dispozicion dhe stafin mjekësor që me profesionalizëm të lartë do t’u përgjigjen nevojave të tyre.

Udhëheqësisë së Poliklinikës së re ju urova mbarësi në misionin për shërbim sa më efikas ndaj nevojave shëndetësore të qytetarëve. Mbështetja e Qeverisë në çdo hap të punës së tyre padyshim se nuk do të mungojë!

https://www.facebook.com/photo?fbid=920423926113793&set=pcb.920424229447096
Related posts

Reagim plotësues nga Bashkimi Demokratik për Integrim lidhur me incidentet e fundit

Bashkimi Demokratik për Integrim dënon ashpër edhe aktin e djegies së flamurit shqiptar, që përbën një sulm të drejtpërdrejtë ndaj simboleve dhe…

Ali Ahmeti uron 28 nëntorin: Përjetësi Shqipërisë dhe shqiptarëve!

Kryetari i Bashkimit Demokratik për Integrim, Ali Ahmeti, ka uruar kombin shqiptar me rastin e 28 nëntorit duke thënë që liria nuk…

Ali Ahmeti takon shoqatat e shqiptarëve në Kroaci: Mirënjohës Amerikës për jetë të jetëve

Kryetari i Bashkimit Demokratik për Integrim, Ali Ahmeti, gjatë qëndrimit të tij në Kroaci, ka takuar të gjitha shoqatat e shqiptarëve në…