Zëvendëskryeministri i parë dhe Ministër për Sistem Politik dhe Marrëdhënie Ndërmjet Bashkësive, z.Artan Grubi takoi sot Ambasadoren e Ukrainës, Natalia Zadorozhnjuk, me të cilën ranë dakord se ekzistojnë kushte për thellimin e bashkëpunimit ekonomik midis Republikës së Maqedonisë së Veriut dhe Ukrainës.Në këtë takim, Grubi dhe ambasadorja ukrainase diskutuan për masat e marra në të dy vendet lidhur me krizën shëndetësore dhe ekonomike të shkaktuar nga pandemia e KOVID-19.znj. Zadorozhnjuk falënderoi z.Grubi për përkrahjen e Republikës së Maqedonisë së Veriut për përkrahjen që ia jep Ukrainës në rrugën e saj euro-atlantike.Gjatë takimit të sotëm, znj. Zadorozhnjuk dhe z. Grubi diskutuan edhe për çështje të tjera në vend dhe për ngjarje të tjera me të cilat po përballet rajoni.
