Gjatë tubimit të mbajtur sot në Vicë të Tetovës me rastin e inaugurimit të lapidarit kushtuar veteranit të UÇK-së, Lezam Ramadani – La Xami, foli edhe ish-komandanti i UÇK-së, Ali Ahmeti. Gjatë fjalimit të tij ai tha se lufta e UÇK-së ishte një rast unik, pasi nga një anë ishte një ushtri e tërë dhe nga ana tjetër ishte populli.
Por, sipas Ahmetit, suksesi i luftës së UÇK-së ka qenë pikërisht ai, sepse populli ishte me ta gjatë kohës së luftës, por edhe sot, nga Likova e deri në Strugë. Ahmeti tha se e gëzon fakti se ata kanë dalë fitimtarë me kundërshtarët, fitimtarë në luftë, në diplomaci, fitimtarë edhe në drejtësinë ndërkombëtare.
Në fshatin Vicë të Tetovës, bashkë me bashkëveprimtarë dhe bashkëluftëtarë, përjetësuam kujtimin për veprimtarin e kauzës kombëtare, Lezam Ramadanin – La Xami, me lapidarin në vendprehjen e tij
Deri në çastet e fundit të jetës nuk pushoi së vepruari në dobi të mirëqenies sonë kombëtare.
Të paharrueshme ndër breza do të mbeten atdhedashuria, guximi dhe veprimtaria e tij kombëtare në Ushtritë tona Çlirimtare.
Qoftë i përjetshëm kujtimi për La Xamin dhe të gjithë dëshmorët!
LAVDI! 
