Kryetari i Bashkimit Demokratik për Integrim, Ali Ahmeti ka pritur sot në takim ambasadorin e kombit, Bruno Ceka.
Ahmeti, përmes një statusi në rrjetin social Facebook, shkruan se zhvillimet e fundit politike kanë qenë pjesë e diskutimit me ambasadorin Ceka, teksa potencon se mërgata ka rol jetik në rrugën e suksesit për vendin tonë.
Statusi i plotë:
Me shokun, bashkëveprimtarin e bashkëluftëtarin, ambasadorin e kombit, Bruno Ceka, këmbyem mendime rreth zhvillimeve politike në vend e në rajon. Fronti europian dhe ndryshimet kushtetuese për të ardhme të ndritur europiane bashkë me dialogun midis Kosovës dhe Serbisë stabilizojnë vendet tona dhe rajonin. Mërgata jonë është pjesë e pandarë e sukseseve dhe sfidave tona andaj dhe roli i udhëheqësve të diasporës tonë në qendrat e vendosjes është jetik.
