Kryetari i BDI Ali Ahmeti dje në Kërçovë ka takuar bashkëatdhetarët tanë nga diaspora. Bashkë me kryetarin Ahmeti të pranishëm ishin dhe kreu i komunës Fatmir Dehari, ministri Kreshnik Bekteshi etj.
Kënaqësi të takoj sot në Kërçovë bashkëatdhetarët tanë nga diaspora bashkë me kryetarin e komunës Fatmir Dehari, ministrin e ekonomisë Kreshnik Bekteshi, drejtoreshën Ardita Dani dhe kryetarin e këshillit të komunës Skender Xhabiri, për të prezentuar para tyre mbi parimin e llogaridhënies të gjitha punët që janë realizuar, që po realizohen dhe të cilat planifikojmë t’i realizojmë gjatë vitit 2023 për jetë edhe më cilësore në Kërçovë.
Në çdo mision të kauzës sonë kombëtare, diaspora ka qenë arteria kryesore e qëndresës dhe përparimit kombëtar, e atillë vazhdon të jetë edhe tani gjithmonë e gatshme për të përkrahur perspektivën e zhvillimit të vendlindjes së tyre dhe procesin e eurointegrimit.
Falënderoj të gjithë mërgimtarët që ishin sot të pranishëm në numër aq të madh për të kuvenduar mbi çështjet e rëndësishme kombëtare dhe shtetërore.
