Ministri për shoqëri informatike dhe administratë, Jeton Shaqiri, merr pjesë në eventin, Sistemi global për komunikime mobile (GSMA), organizuar Mobile World Capital Barcelona. Temat kryesore të këtij eventi janë: · Konektiviteti · Teknologjia kreative · Shoqëria e së ardhmes · Startup inovacionet · Industria e konektuar · Inteligjenca artificiale · Siguria e rrjeteve GSMA MWC Barcelona është një event shumë i madh, ku marrin pjesë përfaqësues të shumë ministrive nga shtete të ndryshme të Europës dhe kompanitë më të mëdha dhe më të fuqishme që operojnë në industrinë e komunikimeve elektronike. Gjatë kësaj vizite, ministri Shaqiri do të zhvillojë takime të shumta bilaterale dhe me përfaqësues të kompanive më të mëdha në industrinë e komunikimeve elektronike. Qëllimi i kësaj vizite është shkëmbimi i eksperiencave, në mënyrë që procesi i digjitalizimit të administratës publike në Republikën e Maqedonisë së Veriut të përshpejtohet akoma më tepër. Përeç shkurtimit të kohës, synojmë që të rrisim edhe cilësinë e shërbimeve të ofruara nga administrata shtetërore.
