Ministri i Mjedisit Jetësor dhe Planifikimit Hapësinor Naser Nuredini, sot është nikoqir i delegacion të lartë nga Ministria e Mjedisit Jetësor, Planifikimit Hapësinor dhe Urbanizimit të Republikës së Malit të Zi, udhëhequr nga Ministri Ratko Mitroviq.Në takimin zyrtar, ministri Nuredini shprehu kënaqësinë që edhe pse deri më tani nuk është arritur ndonjë bashkëpunim më i madh me Malin e Zi në fushën e mjedisit, takimi do të mundësojë shkëmbimin e përvojave dhe marrjen e njohurive mbi praktikat më të mira në këtë fushë midis ministrive dhe do të hapë mundësi për hartimin e projekteve të përbashkëta.U diskutuan disa tema në fushën e mjedisit. U shkëmbyen përvoja dhe shembuj të praktikave të mira në fushën e menaxhimit të mbeturinave, me theks të veçantë në menaxhimin e mbeturinave të ngurta dhe ujërave të zeza, u diskutua menaxhimi i parqeve kombëtare dhe zonave të mbrojtura dhe çështja e sfidave në drejtim të financimit të projekteve të infrastrukturës në terren të mjedisit. Si një shembull veçanërisht i mirë u përmendën Sistemi i monitorimit shtetëror dhe arritjet në raportimin tek Agjencia Evropiane e Mjedisit.Në fjalën e tij, ministri Nuredini, iu referua veçanërisht planifikimit hapësinor, ku informoi se po përgatitet një Plan i ri Hapësinor i Republikës së Maqedonisë së Veriut, si një dokument shumë i rëndësishëm i planifikimit strategjik dhe vuri në dukje se në atë pjesë përvojat e kolegëve malazezë do të ishin të dobishme në udhëheqjen dhe zbatimin e politikave dhe monitorimin e proceseve për formësimin e hapësirës dhe veçanërisht në zgjidhjen e mosmarrëveshjeve mbi legalizimin e ndërtesave në zonat tani të mbrojtura.Si veçanërisht e rëndësishme nga pikëpamja organizative, u përmend nevoja për ekzistencën e Agjencisë së Mjedisit Jetësor, e cila i çliron ministritë nga problemet lokale dhe aktivitetet operacionale, mbrojtjen e llojeve të caktuara të bimëve dhe kafshëve, etj. Nuredini ndau pritjet që një agjenci e tillë së shpejti do të formohet edhe në vendin tonë.Nuredini dhe Mitroviqi ranë dakord se të dy ministritë përballen me kapacitetet e pamjaftueshme të stafit administrativ në komuna për të trajtuar projekte të mëdha në fushën e mbrojtjes së ujit, ajrit dhe mbeturinave.U diskutua edhe për proceset e integrimit evropian, gjatë së cilës ministri Nuredini theksoi se procesi i harmonizimit të legjislacionit kombëtar me ligjin e Bashkimit Evropian në fushën e mjedisit është duke u zhvilluar dhe shprehu gatishmërinë për të ndarë përvojat në lidhje me sfidat me të cilat përballemi në atë proces dhe duke ndarë më së miri praktikat dhe aktivitetet për anëtarësim në Bashkimin EvropianMinistri Mitroviq u pajtua se vizita e sotme është një fillim i mirë për bashkëpunimin midis dy ministrive dhe do të kontribuojë në miratimin dhe përmirësimin e funksionimit të të dy institucioneve.
