Ministri i Mjedisit Jetësor dhe Planifikimit Hapësinor Naser Nuredini dhe ministri i Transportit dhe Lidhjeve Blagoj Boçvarski zhvilluan një takim pune me Emre Orhan Oztelli, Drejtor i Përgjithshëm i Drejtorisë për Tregti Ndërkombëtare, të shoqëruar nga përfaqësues të Ministrisë së Tregtisë së Republikës së Turqisë si dhe përfaqësues nga disa kompani ndërtimi turke.
Në takim u diskutua për tema me interes të përbashkët. Delegacioni nga Turqia prezantoi veprimtarinë dhe aktivitetet e punës së tyre, ndërsa të dy ministrat prezantuan politikat kombëtare të infrastrukturës.
Ata diskutuan edhe zhvillimin infrastrukturor në fushën e infrastrukturës rrugore dhe hekurudhore, veçanërisht për korridoret kyçe 10 dhe 8, si dhe realizimin e projekteve infrastrukturore për furnizim me ujë, trajtimin e ujërave të zeza dhe menaxhimin e mbeturinave.
