Me një prezantim të aktiviteteve më të fundit të Ministrisë së Mjedisit Jetësor dhe Planifikimit Hapësinor për trajtimin e ndotjes së ajrit në vendin tonë, ministri Naser Nuredini hapi sot ngjarjen me të cilën filloi zbatimi i projektit “Qasja sistematike për vlerësimin e lidhjes ndërmjet ndotjes së ajrit dhe lëvizshmërisë njerëzore dhe përfshierjen e lidhjes për zhvillimin e politikave në Republikën e Maqedonisë së Veriut”, zbatuar nga MMJPH në partneritet me Organizatën Ndërkombëtare për Migrim (IOM), Universitetin e Birminghamit dhe Universitetin e Evropës Juglindore. -Para disa ditësh mora pjesë në prezantimin e rezultateve të studimit për burimet e ndotjes së ajrit me fokus në Shkup, tani fillon një punë e tillë hulumtuese edhe në Tetovë dhe është veçanërisht e rëndësishme për ne si qeveri dhe krijues të politikave për ta zgjidhur këtë çështje.
Ne si Ministri kemi punuar në përmirësimin e legjislacionit, kemi publikuar Listat e komunave që duhet të përgatisin plane veprimi për trajtimin e ndotjes së ajrit, kemi vënë në funksion të plotë rrjetën e monitorimit dhe të njëjtën e kemi zgjeruar. Ne punojmë me Qeverinë dhe vetëqeverisjen lokale për të stimuluar investimet në efikasitetin energjetik dhe ndryshimin e metodave të ngrohjes. Tashmë po vërejmë përmirësime, por sigurisht që duhet të merremi më seriozisht edhe me lëvizshmërinë nesë duam të arrijmë rezultate reale – tha ministri Nuredini.