Ministri i Mjedisit Jetësor dhe Planifikimit Hapësinor Naser Nuredini së bashku me zëvendës ministrin për Punë të Brendshme Nazim Bushi vizituan komunën e Haraçinës ku zhvilluan një takim pune me kryetarin e Komunës Ridvan Ibraimi në këtë takim u diskutua për sfidat e kryetarit të ri në fushën e mjedisit jetësor, si dhe mundësitë për përkrahje nga MMJPH. Theks i veçantë iu kushtua zgjidhjes së problemit shumëvjeçar me kanalin e hapur, si dhe menaxhimit të mbeturinave, furnizimit me ujë, ujërave të zeza, por edhe çështjeve të tjera që lidhen me përmirësimin e cilësisë së jetës në këtë mjedis urban.
