Ministri i Punëve të Jashtme, Bujar Osmani, sot u takua me ushtruesen e detyrës Drejtore për Ballkanin Perëndimor në Drejtorinë e Përgjithshme për Fqinjësi dhe Negociata për Zgjerim të Unionit, Mikella Matuella. Bashkëbiseduesit shqyrtuan progresin e arritur në drejtim të implementimit të agjendës lidhur me BE-në, ndërsa iu referuan edhe statusit aktual të dosjes sonë evropiane. Në takim u bë fjalë edhe për rrjedhën e përgatitjeve, temave kryesore dhe rezultatet e pritshme në lidhje me Samitin e tetorit BE- Ballkani Perëndimor, në kuadër të presidencës sllovene me BE-në, me ç’rast u vlerësua se Samiti duhet të dërgojë mesazhe të qarta politike për të ardhmen e vendeve të Ballkanit Perëndimor në raport me BE-në.
