Ministri për Shoqëri Informatike dhe Administratë, Jeton Shaqiri përmes një postimi në rrjetet sociale ka bërë njoftimin në lidhje me Projektin “Një pikë për shërbime”
Të marrësh ide dhe të punosh me to në fazat e hershme është pjesa më e lehtë. Realizimi është pjesa më e rëndësishme. Ne kemi filluar fazën e tranzicionit. Projekti“Një pikë për shërbime” është i lidhur direkt me procesin e digjitalizimit. Me anë të këtij projekti ne synojmë që të ofrojmë shërbime të shumë institucioneve në një sportel të vetëm dhe t’i japim fundët radhëve të gjata të pritjes. Pas hapjes së qendrave tona në qytetet e Shkupit, Tetovës dhe Kumanovës, tashmë jemi shumë pranë hapjes së një qendre tjetër në qytetin e Manastirit. Qytetet e radhës ku do të hapim qendër “Një pikë për shërbime” janë Ohri dhe Struga. Këtë projekt do e shtrijmë në çdo qytet të vendit i cili ka mbi 25.000 banorë.
