Pata nderin që të pres në një takim pune, menaxheren e “Mastercard” për Maqedoninë e Veriut, Bullgarinë, Shqipërinë dhe Kosovën, znj. Vanja Manova dhe drejtorin ekzekutiv të Evrotrust, z. Georgi Dimitrov.Ky takim vjen pas nënshkrimit nga Qeveria të memorandumit për krijimin e një shërbimi për identifikim digjital gjatë vitit 2020 dhe pas futjes në përdorim të këtij shërbimi nga Banka NLB – Shkup, për herë të parë në Maqedoninë e Veriut.
Përmes këtij memorandumi janë siguruar nënshkrime elektronike për administratën shtetërore, për institucionet të cilat e përdorin Sistemin për menaxhim të dokumentave, me çka do të kontribuohet në përdorimin më të madh të sistemit DMS dhe si rrjedhojë përshpejton transformimin digjital.
Gjatë takimit u dakorduam se integrimi i shërbimit për identifikim digjital në Sistemin për menaxhim të dokumentave do të bëhet në një të ardhme të afërt.
Me këtë shërbim i japim nënshkrimit elektronik të njëjtin efekt juridik si nënshkrimi me dorë dhe afrohemi me objektivin tonë që të reduktojmë deri në 0 përdorimin e letrës në administratën shtetërore, që është një hap tjetër drejt digjitalizimit të administratës dhe shërbimeve në Maqedoninë e Veriut.
