Për të shënuar Ditën ndërkombëtare të luftës kundër korrupsionit, Komisioni Shtetëror për Parandalimin e Korrupsionit, organizoi konferencën “Zgjidh drejtimin e duhur! Zgjidh integritetin!”, ku folës ishte edhe Ministri i Shoqërisë Informatike dhe Administratës, z. Jeton Shaqiri. “Si rezultat i përpjekjeve të Qeverisë së Republikës së Maqedonisë së Veriut në luftën kundër korrupsionit, Ministria e Shoqërisë Informatike dhe Administratës, ndër institucionet e para e zhvilloi Programin kundër korrupsionit me Plan Aksionar konkret, i cili synon të lehtësojë përpjekjet në luftën kundër korrupsionit, të kontribuojë në ç’rrënjosjen e tij dhe të parandalojë shfaqjen e mëtejshme të tij”, theksoi Shaqiri. Ndër të tjera, Shaqiri theksoi se: “Koncepti i integritetit është pjesë përbërëse e sistemit të qeverisjes së mirë. Në kontekst të qeverisjes së mirë, po zhvillojmë integritetin personal dhe institucional, të garantuar me pavarësi, profesionalizëm dhe llogaridhënie në kryerjen e kompetencave të përcaktuara me ligj.” Ministria e Shoqërisë Informatike dhe Administratës është përfshirë në pesë ‘pilot’ institucionet për Implementimin e Sistemit të Integritetit në kuadër të IPA II projektit të BE-së “Promovimi i transparencës dhe përgjegjësisë në administratën shtetërore”, realizuar nga Komisioni Shtetëror për Parandalimin e Korrupsionit”, theksoi Shaqiri. “Së fundmi, unë besoj se vendosja dhe Implementimi i Sistemit të Integritetit do të kontribuojë drejt funksionimit efikas dhe efektiv të administratës shtetërore me qëllim të rritjes së besimit të qytetarëve ndaj institucioneve”, përmbylli fjalimin e tij, ministri Shaqiri.
