Arsimi fillor konsiderueshëm është modernizuar në periudhën e fundit, jo vetëm përmes përgatitjes së programeve të reja mësimore dhe teksteve shkollore të reja, por edhe përmes investimeve në kushtet e infrastrukturës. Aktualisht po ndërtojmë shtatë objekte për arsimin fillor dhe 4 salla sportive, ndërsa në 40 shkolla po zhvillohen aktivitete rikonstruimi. Gjithashtu në të gjitha shkollat fillore ofrohen pajisje të reja për kabinetet e shkencave natyrore ndërsa sot personalisht jam kujdesur që dinamika e ofrimit të mjeteve të reja mësimore dhe mjeteve të matematikës, kimisë, fizikës dhe biologjisë të shkojë sipas planit, në mënyrë që deri në fillimiin e vitit të ri shkollor një pjesë e madhe e aktiviteteve për kushte më të mira për shkollat fillore të rrumbullaksohen.Këtë e theksoi ministri i Arsimit dhe Shkencës pas vizitës në shkollat fillore “ Vëllezërit Miladinov” në qendër të Strugës, “Josip Broz Tito” dhe shkollën fillore rajonale në fshatin Vranishtë, e cila është pjesë e shkollës fillore “Josip Broz Tito”. “nga Struga, ku me udhëheqsinë e shkollave bisedoi për të arriturat e këtyre shkollave në vitin aktual shkollor, por edhe për sfidat me të cilat përballen.Ministri tha se mbështetja e Ministrisë së Arsimit dhe Shkencës, sikurse deri tani ashtu edhe në të ardhmen do të jetë e barabartë për të gjitha komunat dhe shkollat në vend, kështu që shkollat e Strugës nuk do të mungojnë.Ai bëri të ditur se shkolla fillore “Braqa Miladinovci” do të rikonstruktohet tërësisht në periudhën e ardhshme. Ai gjithashtu informoi se së shpejti planifikohet të fillojë ndërtimi i sallës së re sportive në shkollën fillore “Nuri Mazari” në fshatin Dellogozhdë, ku mungon një objekt i tillë, ndërsa investimi është siguruar nga projekti i MASH-it për ndërtimin e sallave sportive shkollore dhe rikonstruksioni i objekteve ekzistuese shkollore, financuar nga Banka për Zhvillim e Këshillit të Evropës.
