Përkrahja e vazhdueshme e Suedisë në kualitetin e procesit arsimor ishte tema të cilës i kushtuam vëmendje në takimin e sotëm me Ambasadoren e Suedisë në Shkup, shkëlqesia e saj, Ami Larsson Jain.
MASH vetëm në dy vitet e kaluara ka investuar në pajisje shkencore për laboratoritë e 265 shkollave fillore me qëllim të rritjes së kualitetit mësimor në lëndët gjegjëse. Me përkrahje dhe finansim nga organizata SIDA, arsimtarët e lëndëve shkencore u trajnuan se si t’i përdorin pajisjet në laboratoritë e shkollave fillore. Trajnimet u realizuan nga prizmi ekologjik dhe i ndryshimeve klimatike, që ishte njohuri shtesë dhe e cila pastaj u transmetua tek nxënësit.
Diskutuam edhe për digjitalizimin e teksteve shkollore dhe reformat në arsimin fillor. E njoftova ambasadoren z. Larsson Jain për ndryshimet ligjore në arsimin e mesëm dhe arsimin e mesëm professional.
Suedia ka një model të mirë arsimor dhe biseduam që të gjejmë mënyra atë përvojë ta bartim përmes trajnimeve për mësimdhënësit.
Shpreha falenderimet për përkrahken e deritanishme, duke e inkurajuar për përkrahje të mëtutjeshme.
