Shaqiri vizitoi shkollën fillore “Kongresi i Manastirit”

Të respektojmë në vazhdimësi protokollet, për  realizim të suksesshëm të mësimit me prezencë fizike.Sot me rastin e fillimit të gjysmëvjetorit të dytë shkollor, vizitova SHFK “Kongresi i Manastirit” – Çair, ku të gjithë nxënësve dhe mësimdhënësve u urova shumë suksese në procesin arsimor dhe mbi të gjitha uroj shëndet.Në përputhje me rekomandimet e Komisionit për Sëmundjet Infektive dhe duke marrë parasysh rekomandimet e UNICEF-it si organizata më e madhe në botë që punon për mbrojtjen dhe promovimin e të drejtave të fëmijëve, Qeveria dhe Ministria e Arsimit dhe Shkencës morën vendim që gjysmëvjetori i dytë të fillojë me 2 javë vonesë dhe me praninë fizike të të gjithë nxënësve sipas protokolleve të përcaktuara dhe të miratuara.Si alternativë, janë dy skenarë shtesë. Njëri është kalimi në mësimin e plotë online, dhe tjetri është aplikimi i një modeli të kombinuar, nëse ka një ndryshim të situatës epidemiologjike që monitorohet vazhdimisht dhe nëse udhëzime të tilla jepen nga Komisioni i Sëmundjeve Infektive, nga kontrolli i kryer nga Ministria e Shëndetësisë te nxënës të përzgjedhur në mënyrë të rastësishme.Ne si ministri bëjmë thirrje për respektimin e vazhdueshëm të të gjitha masave që janë pjesë e protokolleve shëndetësore – mbajtja e maskave, ruajtja e higjienës personale duke larë duart, mbajtja e distancës e kështu me radhë, për të mbajtur sa më shumë mësimin me prezencë fizike.

Related posts

Ali Ahmeti priti ambasadorin italian Silvestri: Ndërhyrja ndaj gjuhës shqipe dhe Marrëveshjes së Ohrit rëndon situatën

Kryetari i Bashkimit Demokratik për Integrim, z. Ali Ahmeti, sot  në Tetovë,  priti ambasadorin e Italisë në vendin tonë z. Andrea Silvestri. …

30 vjetori i UÇK-së, Ahmeti: Tre shkronjat e arta sollën kthesën historike në fatin e kombit shqiptar

Kryetari i Bashkimit Demokratik për Integrim Ali Ahmeti ka qëndruar në Prishtinë së bashku me veprimtarë të çështjes kombëtare e atdhetarë kanë…

Gjuha shqipe është vija që nuk duhet dhe nuk guxon të kapërcehet!

Teksa afrohet dita e vendimit të Gjykatës Kushtetuese për rishikimin e Ligjit për Gjuhët, Bashkimi Demokratik për Integrim (BDI) paralajmëron edhe një…