Shkup, 23 shtator 2026
BDI – Konferencë për media
Ilir Hasani – Deputet & Anëtar i Kryesisë së Këshillit të Përgjithshëm të BDI-së
https://www.facebook.com/share/v/1MbkYZgALw/?mibextid=wwXIfr
Të nderuar përfaqësues të mediave,
Sot jemi këtu për të folur për një çështje që nuk është thjesht një konflikt politik dhe as një mosmarrëveshje procedurale.
Sot po flasim për dinjitetin e Kuvendit, dinjitetin e deputetëve dhe përgjegjësinë e një ministri të Qeverisë së Republikës së Maqedonisë së Veriut.
Bëhet fjalë për ministrin Ivan Stoilkoviq dhe incidentin që ka ndodhur në hapësirat e Kuvendit, ku, sipas asaj që kemi denoncuar, ai ka ofenduar dhe ka pasur sjellje të papranueshme ndaj deputetëve, veçanërisht ndaj deputetëve shqiptarë.
Për këtë arsye, si Front Evropian, kemi dorëzuar Propozim-vendim për themelimin e Komisionit Anketues, me qëllim që të konstatohen faktet, të shqyrtohen rrethanat, të shihen incizimet dhe të dëgjohen personat relevantë.
Dhe çfarë ndodhi?
Në vend që Kuvendi të thotë: le t’i shohim faktet, shumica parlamentare po kërkon mënyra që këtë çështje ta mbajë jashtë procedurës.
Na është thënë se materiali nuk është në përputhje me Rregulloren, sepse gjoja mungon arsyetimi.
Por arsyetimi është aty.
Është pjesë e materialit.
Është shpjeguar incidenti, rëndësia e tij institucionale dhe arsyeja pse kërkohet Komisioni Anketues.
Prandaj sot pyetja është shumë e thjeshtë:
Cila është baza konkrete për mosprocedimin e këtij materiali?
Cila dispozitë e Rregullores po përdoret?
Cili element mungon?
Cili është problemi real?
Sepse sa më shumë që kërkojmë përgjigje konkrete, aq më shumë bëhet e qartë se problemi nuk është procedura.
Problemi është se shumica nuk dëshiron që kjo çështje të hetohet.
Dhe kjo na çon te pyetja kryesore:
Pse po mbrohet Ivan Stoilković?
Pse një ministër i Qeverisë po trajtohet sikur është i paprekshëm?
Pse për të po ndërtohet një mburojë politike brenda Kuvendit?
Dhe pse kryetari I kuvendit Afrim Gashi , po merr përsipër ta mbrojë politikisht një ministër në vend që të kërkojë që incidenti të hetohet?
Nëse Stoilković nuk ka bërë asgjë të papranueshme, le të hetohet.
Nëse nuk ka asgjë për t’u fshehur, le të shihen incizimet.
Nëse nuk ka përgjegjësi, le të dëgjohen dëshmitarët.
Nëse nuk ka shkelje, le të dalë kjo para opinionit publik.
Por qeveria nuk po zgjedh këtë rrugë.
Po zgjedh mbrojtjen politike.
Dhe këtu përgjegjësia nuk është vetëm e VMRO-DPMNE-së.
Përgjegjësi politike ka edhe VLEN-i.
Kur ofendohen deputetët shqiptarë në Kuvend, ku është VLEN-i?
Kur një ministër duhet të japë llogari për sjelljen e tij ndaj deputetëve shqiptarë, ku është VLEN-i?
Kur shumica përdor procedurën parlamentare për ta penguar shqyrtimin e kësaj çështjeje, ku është VLEN-i?
Përgjigjja është e qartë: VLEN-i është në anën e Stoilkoviqit.
Dhe sot qytetarët duhet ta shohin këtë realitet pa maska.
Ne kemi një Qeveri që, në vend se të kërkojë llogaridhënie nga një ministër për sjelljen e tij në Kuvend, po e mbron atë.
Dhe kemi një VLEN që, në vend se të mbrojë dinjitetin e deputetëve shqiptarë, po hesht dhe po e mbështet këtë mbrojtje politike.
Kjo është çështje e orientimit të kësaj Qeverie.
Sepse kur një ministër me qëndrime që ne i konsiderojmë të afërta me narrativat dhe interesat e botës serbe sillet në këtë mënyrë ndaj deputetëve shqiptarë dhe më pas merr mbrojtje nga shumica qeverisëse, atëherë qytetarët kanë të drejtë të pyesin:
Kush po e mbron këtu interesin shqiptar?
Kush po e mbron dinjitetin e shqiptarëve në Kuvend?
Kush po e mbron institucionin?
Apo mos vallë VLEN-i është aq i varur nga kjo Qeveri sa nuk guxon të ngrejë zërin edhe kur cenohet dinjiteti i deputetëve shqiptarë?
Ne si Front Evropian nuk do ta pranojmë këtë.
Kuvendi nuk është pronë e Qeverisë.
Deputetët nuk janë të paprekshëm nga pushteti, por as ministrat nuk janë të paprekshëm nga Kuvendi.
Një ministër duhet të japë llogari për sjelljen e tij.
Prandaj kërkesa jonë është e qartë:
Procedojeni Propozim-vendimin për Komisionin Anketues.
Mos u fshihni pas formulimeve të përgjithshme.
Mos e përdorni Rregulloren si mburojë politike.
Dhe mbi të gjitha:
Le të hetohet incidenti.
Le të shihen incizimet.
Le të dalin faktet.
Nuk mund të ketë një ministër të paprekshëm vetëm sepse ka mbështetjen e shumicës parlamentare.
Dhe nuk mund të ketë një parti shqiptare që hesht vetëm sepse është pjesë e kësaj shumice.
Sot po e shohim shumë qartë se kush po e mbron kë.
VMRO-DPMNE dhe VLEN po e mbron ministrin Stoilković.
Ndërsa Fronti Evropian po mbron të drejtën e Kuvendit për të ditur të vërtetën.
Dhe kjo është ajo që do të vazhdojmë të bëjmë.
Sepse dinjiteti i deputetëve shqiptarë nuk negociohet.
Kuvendi nuk do të jetë vend ku ministrat e në rastin e Stoillkoviqit I cili në atë moment ishte qytetar I thjeshtë,ende pa u zgjedhur ministër, të ofendojnë deputetët dhe më pas të fshihen pas
shumicës parlam
entare.
Ndërsa ne nuk do të heshtim. Faleminderit.
