Në kuadër të takimeve të zhvilluara përgjatë Forumit të Prespës për Dialog pata mundësinë të relizoj një takim me Lordin Francis Maude, ish Ministër për Europën në kabinetin e Margaret Thatcher, ish Ministër për tregti dhe investime dhe themeluesin e Shërbimit qeveritar digjital dhe portalin https://www.gov.uk/, gjatë njërit prej mandateve në Qeverinë Britanike.Gjatë këtij takimi diskutuam për themelimin e Agjencisë digjitale në Republikën e Maqedonisë së Veriut; diskutuam për Partneritetin e hapur qeveritar, për të cilin MSHIA-ja ka realizuar disa projekte, ndërsa z. Maude është një nga themeluesit e Open Gonverment Partnership në Britaninë e Madhe; si dhe e informova z. Maude për të gjitha reformat e nisura në fushën e administratës dhe mediave.Shkëmbimi i tillë i eksperiencave është mëse i nevojshëm në konkretizimin e të gjitha projekteve tashmë të nisura. Në fund të takimit pohuam njëzëri se komunikimi dhe bashkëpunimi ynë do të vazhdojë dhe do të intensifikohet, me qëllimin e vetëm që të krijojmë shërbime më të mira për qytetarët dhe të rrisim cilësinë e jetës për ta.
