Kryetari i Bashkimit Demokratik për Integrim, Ali Ahmeti u shpall “Qytetar Nderi” i Tiranës në një ceremoni ku ishte i pranishëm edhe kryeministri Edi Rama, kryetarja e Kuvendit Lindita Nikolla, ish presidentët Moisiu dhe Topi si dhe shumë personalitete tjera.
Gjatë fjalës së tij ai tha se Shqipëria, ndonëse e varfër, ka treguar gjithmonë zemrën e ngrohtë për shqiptarët kudo që jetojnë.
Fjalimi i plotë:
Të dashur vëllezër dhe motra,
I dashur kryeministër,
I dashur president Moisiu, Topi,
I dashur Balla,
I dashur Namik,
I dashur ministër i Jashtëm,
E dashura Arta Dade,
I dashur z. Majko,
Ambassador,
Unë kam miq këtu, Iliri, Shkëlqimi, Ismeti,
I dashur Sokol Peza, i dashur Shaban,
I dashur Erion,
Do doja të ju falenderoj nga zemra, kjo është Tirana edhe e Adem Jasharit, kjo është Tirana e Zahir Pajazitit po edhe e Fehmi Lladrovcit dhe Xhevë Krasniqit.
Kjo është Tirana që akoma buzëqeshja kur ka parë kompaninë e parë që po futet në Kosovë, Luan Haradinajn që si djalin e vet e ka mbajt nëna Dritë. Kjo nënë Tirana, Shqipëria ka qenë e varfër por ne na ka mbajtur ngrohtë në gjirin e saj, me qindra janë dëshmorë, hero të kombit që i ka mbajtë nëna në prehrin e vetë. Unë do të doja të ju falenderoj por një fjalë e një plaku të urtë na tha, mos e falenderoni njëni tjetrin sepse të gjithë keni punuar në arën tuaj, vetëm punë e mbarë për të gjithë punët kur bëhen.
Mirëpo, vërtetë Shqipëria ka ndarë buk, kryp e zemër për ne. Për të gjithë ata që sot nuk janë, sot është Kosova shtet, sot shqiptarët janë shtetëformues në RMV. E kam thënë botërisht kur e kemi nisur, e kam thënë ka qenë për bashkimin e trojeve shqiptare, e kemi nisë të tillë por rethanat ndryshuan por edhe ne ndryshuam strategjinë, duke parë gjeopolitikat, gjeostrategjitë dhe u përkushtuam për çlirimin e Kosovës, por pa garancat se nuk do ketë kryngritje në Maqedonisë sepse shqiptarët që morrën pjesë vullnetarisht, ca u vranë në burgjet e Idrizovës, dhe kjo situatë ishte e papërpunueshme shumë më herët, sepse shqiptarët ishin në RMV të shkelur margjinalizuar, pa të drejta, pa flamur, pa simbole.
I dashur Edi,
Sot edhe ju Skenderbeun e keni në Tiranë po edhe unë e kam në Shkupin e vjetër, mu në qendër. Edhe ju me krenari është Flamuri kombëtarë, po edhe ne dënohemi nëse nuk e respektojmë flamurin shqiptar, 5 mijë euro është gjoba nëse nuk e kemi. Kemi tre universitete.
I dashur Edi,
I’a kemi marrë kazermat Mlladiqit, në Shkup është Universitet, në Kumanovë përsëri kazerma e Mlladiqit është Universiteti i Tetovës, kemi dhe shumë punë për të bërë dhe unë do doja të falenderoj nga zemra për përkrahjen që na ka dhënë shteti shqiptar.
Tirana, unë e njoh Tiranën e 91 dhe sot nuk e njoh Tiranën e 2024, humbem dhe nuk e di ku jam. Një Tiranë tjetër krejtësisht dhe kjo më gëzon mua dhe çdo shqiptar që e viziton.
Unë do doja të ju falenderoj shumë për këtë nder, e ndaj me 3 mijë mbetje mortore që i kam në vendlindje se për këtë flamur dhe këtë gjuhë janë vrarë dhe ju më keni nderuar mua, ju falenderoj shumë, suksese patshi në të gjitha fushëveprimtaritë e jetës.
Video material: https://we.tl/t-dbUxSYa73f
Fjalimi i kryetarit të BDI Ali Ahmeti
Fjalimi i kryeministrit Edi Rama
Fjalimi i kryetarit të Bashkisë së Tiranës Erion Veliaj
Ceremonia e ndarjes së titullit Qytetar Nderi
