Kreu i komunës së Bogovinës, Besnik Emshiu sot ka qëndruar në fshatin Pallçisht i Poshtëm për të ndjekur nga afër punimet që po bëhen në ndërtimin e rrugës në pjesën e epërme të fshatit.
Kam parë sot nga afër punimet që po bëhen në finalizimin e projektit për rregullimin e rrugës në pjesën e epërme të fshatit Pallçisht i Poshtëm.
Punimet janë duke u zhvilluar me intensitet të lartë dhe ashtu siç kam theksuar infrastruktura është prioritet i komunës së Bogovinës me qëllim që banorët e komunës tonë të kenë qasje më të lirë të lëvizjes.
Me të njejtin intensitet do të vazhdojmë me punime në projekte infrastrukturore gjithandej në vendbanimet ku është e nevojshme të intervenohet.
