Kryetari i Bashkimit Demokratik për Integrim, z. Ali Ahmeti i shoqëruar nga kryeparlamentari z. Talat Xhaferi, zëvendëskryeministri i parë z. Artan Grubi, ministra, zëvendësministra, deputet, drejtor dhe zëvendësdrejtor si dhe bashkëpunëtorë të tjerë, sonte ka vazhduar takimet me qytetarë dhe aktivist partiak nga qyteti i Tetovës, përkatësisht nga këshillat vendor Reçicë e Madhe, Reçicë e Vogël 1 dhe 2, Teqe, Bregu i Diellit dhe Jashtë Vardarit.
Sonte kam ndryshuar qasjen e fjalimit tim. Në Tetovë nuk ekziston zjarri! BDI është ndërtuar mbi themele e shtylla të forta. I dashur komandant, kemi hyrë në dekadën e tretë të ekzistimit të BDI-së dhe më kujtohet 3 tetori i vitit 2002, kur ne deputetët e BDI-së ishim përbërja parlamentarë që kishim deputetën e parë grua në përbërjen tonë, zonjën Teuta Arifi, ish-kryetaren e Komunës së Tetovës. E përmenda këtë rast sepse në atë kohë ndërmjet kolegëve deputetë përflitej se si shqiptarët kanë arritur që të kenë deputete grua, të jetë kryetarja e parë e komisionit për politikë të jashtme që sot e trashegon Bujari si Ministër i Jashtëm. Për këto procese është dashur punë, përkushtim dhe përgjëgjësi ndaj juve që na e dhatë atë mandate, tha Xhaferi.
