Zëvendësministri i Punëve të Brendshme, Nazim Bushi bashkë me kryetarin e Bashkimit Demokratik për Integrim Ali Ahmeti, kryeministrin Dimitar Kovaçeski, kryetarin e Kuvendit Talat Xhaferi dhe kolegët tjerë ministra e zëvendësministra ishin pjesë e Akademisë solemne organizuar me rastin e shënimit të Ditës së Alfabetit të gjuhës shqipe, 22 Nëntorit, nën përkujdesjen e Zëvendëskryetarit të parë të Qeverisë, Artan Grubi, informon GAZETA.MK
Ky është postimi i plotë i Bushit në facebook:
Sot bashkë me kryetarin Ali Ahmeti, kryeministrin Dimitar Kovaçeski, kryetarin e Kuvendit Talat Xhaferi dhe kolegët tjerë ministra e zëvendësministra ishim pjesë e Akademisë solemne me rastin e shënimit të Ditës së Alfabetit të gjuhës shqipe, 22 Nëntorit në Shkup, nën përkujdesjen e Zëvendëskryetarit të parë të Qeverisë, Artan Grubi.
Gjatë kësaj akademie solemne përshtypje la fjalimi i kryetarit Ahmeti i cili përkujtoi të pranishmit se Manastiri ka strehuar Çerçiz Topullin e Mihail Gramenon bashkë me kryengritësit maqedonas të cilët asokohe kanë vepruar e punuar për të pasur lirinë e tyre, si atë kombëtare, gjuhësore e kulturore. Ngjarja siç është Kongresi i Manastirit duhet të na shërbej për realizimin e synimit tonë, bërjen e një Maqedonie më të fortë e të qëndrueshme, një Maqedoni Europiane.
Surprizë e mirë ishte promovimi i videos dhe këngës “Kongresi i Manastirit” nga artisti i madh Ilir Shaqiri.
#gëzuar22Nëntorin
