Nuk do të lëmë që kriza energjetike të jetë në kurriz të qytetarëve. Nga 1 janari çmime më të lira të energjisë elektrike për amvisëritë dhe konsumatorët e vegjël, ka shkruar në profilin e tij në facebook, ministri i Ekonomisë, Kreshnik Bekteshi, pasi Komisioni Rregullator i Energjetikës ka shpallur sot çmimet e reja të energjisë elektrike që do të vlejnë nga 1 janari i vitit të ardhshëm.
Siç ka shkruar ministri Bekteshi, sipas vendimit të Komisionit Rregullator ër amvisëritë çmimi i energjisë elektrike për bllokun e parë ulet për 4.11%, për bllokun e dytë ulet për 2.95%, çmimi i bllokut të tretë rritet për 0.85%, për bllokun e katërt çmimi i energjisë elektrike rritet për 7.65%.
Gjithsej 99.2% e amvisërive në vend do të kenë ulje të çmimit të energjisë elektrike”, ka shkruar Bekteshi.
Çmimi total i energjisë elektrike për konsumatorët e vegjël do të ulet për 20.15% nga data 01.01 dhe ky çmim do të zbatohet për 70 mijë kompani në vend.
“Me këto vendime çmimi i transmetimit të energjisë elektrike ulet për 8.66%. Çmimi i shpërndarjes ulet për 19.54%”, ka shkruar ministri në profilin e tij në Facebook.
