Zëvendëskryeministri i parë Artan Grubi në Facebook ka përkujtuar sakrificën e dëshmorëve shqiptar, me rastin e 5 Majit që njihet si Dita e dëshmorëve të kombit.
Grubi shkruan se themelet e kombit qëndrojnë mbi veprat e atdhedashurisë së dëshmorëve.
Statusi i plotë:
Mbi madhështinë e veprës heroike dhe sakrificës së dëshmorëve qëndrojnë themelet e kombit, çdo arritje ka burimin në amanetin e tyre për lartësimin dhe mbrojtjen e atdheut.
Përulemi me respektin më të madh jo vetëm sot, por në çdo ditë të jetës para atdhedashurisë së tyre dhe atyre vatrave familjare që rritën bijë e bija të gatshëm për të flijuar veten për lirinë.
Lavdi e përjetshme të gjithë dëshmorëve të kombit!
