Zëvendës kryeministri i parë Artan Grubi sot ka pritur në takim përfaqësuesit e Fondit Monetar Ndërkombëtar me të cilët kanë diskutuar mbi rëndësinë e ndërtimit të Korridoreve 8 dhe 10D si dhe për stabilitetin buxhetor.
Postimi i plotë:
Bashkë me ministrin Boçvarski dhe përfaqësuesit e konzociumit Bechtel & Enka mirëpritëm sot në takim përfaqësuesit e Fondit Monetar Ndërkombëtar, me të cilët diskutuam mbi rëndësinë e ndërtimit të korridoreve 8 dhe 10D për vendin dhe mbarë rajonin, si dhe për stabilitetin buxhetor të vendit.
Vazhdimi i mbështetjes nga ana e Fondit Monetar Ndërkombëtar padyshim se do të ishte një ndihmesë e madhe për vendin drejt realizimit të aspiratave të tij zhvillimore.
