Kryetari i BDI Ali Ahmeti sot në 29 vjetorin e ikjes së Ahmet Hashiut nga kjo jetë e ka kujtuar duke thënë se idealin e tij kombëtar nuk arritën ta thyejnë persekutimet.
Plejadës së atyre veprimtarëve prijës të lëvizjes sonë ilegale i përkiste edhe Ahmet Haxhiu, të cilin e kujtojmë me mall dhe krenari në 29 vjetorin e shuarjes nga jeta, shkruan mes tjerash kryetari Ahmeti.
Postimi i plotë:
Koha nuk mund të zbehë kujtimet për heroizmin e veprimtarëve të çështjes kombëtare, të atyre që qëndruan në këmbë në çastet kur një gjë e tillë ishte e patjetërsueshme për të arritur lirinë.
Plejadës së atyre veprimtarëve prijës të lëvizjes sonë ilegale i përkiste edhe Ahmet Haxhiu, të cilin e kujtojmë me mall dhe krenari në 29 vjetorin e shuarjes nga jeta.
Idealin e tij kombëtar nuk arritën ta thyejnë persekutimet, burgosjet dhe torturat e rregjimit, shpirti i tij i guximshëm u bë forcë e amanet në damarët e shumë trimave dhe bashkëveprimtarëve.
Ahmet Haxhiu me shokët e tij të idealit mbollën farën që të lulëzojë përjetë pranvera e lirisë. Qoftë i përjetshëm kujtimi për të! LAVDI!
