Zëvendës kryeministri i parë Artan Grubi me rastin e përkujtimit të një prej episodeve më të errëta në historinë e njerëzimit, gjenocidin serb në Srebrenicë dhe bilancin tronditës prej 8372 viktimave të konfirmuara, ka përkujtuar sot këtë ngjarje duke shkruar se ato jetë të pafajshme të shuara padrejtësisht, le të jenë jehonë e përjetshme në ndërgjegjen mbarënjerëzore që kurrë më të mos përjetohen dhimbje të tilla.
Statusi i plotë:
Sot bota mbarë kujton njërin nga episodet më të errëta në historinë e saj, gjenocidin serb në Srebrenicë dhe bilancin e tij tronditës prej 8372 viktimave të konfirmuara.
Ato jetë të pafajshme të shuara padrejtësisht, le të jenë jehonë e përjetshme në ndërgjegjen mbarënjerëzore që kurrë më të mos përjetohen dhimbje të tilla.
Srebrenica është plagë e pashërueshme dhe pasojë e një ideologjie të mbrapshtë shoviniste që duhet ç’rrënjosur njëherë e përgjithmonë.
