25 vjetori i rënies heroike të Bekim Berisha – Abeja/ Kryetari Ahmeti: Përjetësoi amanetet në fushat e betejës

Kryetari i BDI Ali Ahmeti sot me rastin e shënimit të 25 vjetorit të rënies heroike të Bekim Berishës – Abeja ka kujtuar heroizmin e tij që ka përjetësuar amanetet në fushat e betejës.

Postimi i plotë:

Kujtoj sot me krenari në 25 vjetorin e rënies së tij, heroizmin dhe atdhedashurinë e luftëtarit të lirisë, komandantit të Ushtrisë Çlirimtare të Kosovës, Bekim Berisha – Abeja.

I rritur dhe i edukuar nga familja e tij të dojë vendlindjen, të rreshtohet gjithmonë në mbrojtje të kauzave të drejta liridashëse dhe të mos gjunjëzohet para padrejtësisë, Bekimi do të përjetësojë këtë amanet në fushat e betejës kundër regjimit okupator serb fillimisht në luftërat e Kroacisë dhe Bosnjës.

Kur vendlindja e tij lëshoi kushtrimin, bashkë me shokët e idealit në pranverën e vitit 1998 do të kapnin armët për të ujitur me gjakun e tyre rrënjët e lirisë së Kosovës.

Ra heroikisht më 10 gusht të vitit 1998 bashkë me Bedri Shalën, Elton Zherkën dhe Përmet Vulën.

Qoftë i përjetshëm kujtimi për ta dhe të gjithë dëshmorët e lirisë! LAVDI!

https://www.facebook.com/photo?fbid=831031651724292&set=a.465898708237590
Related posts

Reagim plotësues nga Bashkimi Demokratik për Integrim lidhur me incidentet e fundit

Bashkimi Demokratik për Integrim dënon ashpër edhe aktin e djegies së flamurit shqiptar, që përbën një sulm të drejtpërdrejtë ndaj simboleve dhe…

Ali Ahmeti uron 28 nëntorin: Përjetësi Shqipërisë dhe shqiptarëve!

Kryetari i Bashkimit Demokratik për Integrim, Ali Ahmeti, ka uruar kombin shqiptar me rastin e 28 nëntorit duke thënë që liria nuk…

Ali Ahmeti takon shoqatat e shqiptarëve në Kroaci: Mirënjohës Amerikës për jetë të jetëve

Kryetari i Bashkimit Demokratik për Integrim, Ali Ahmeti, gjatë qëndrimit të tij në Kroaci, ka takuar të gjitha shoqatat e shqiptarëve në…